DIE Kavaliers speel Saterdag 19 Januarie ‘n vriendskaplike rugbywedstryd teen die Stormers op Boland-stadion, Wellington.
Kaartjies vir die wedstryd (R50 ingang na hoofpaviljoen, R30 slegs ingang, R10 kinders) is van Maandag af by Boland Rugby in Fonteinstraat, Wellington, en Pêrel Sport in Lady Greystraat en die Paarl Mall beskikbaar.
Die B-spanne draf om 16:30 op die veld, met die groot kanonne wat om 18:00 afskop.
Die volgende vriendskaplike wedstryd, Kavaliers teen die Blou Bulle, word op 26 Januarie in Wellington gespeel.