Lise Beyers’n FRATSONGELUK het gelei tot die grusame dood van ’n jong man in Suider-Paarl.
Die tragiese voorval het Dinsdagoggend plaasgevind by Boland Plant Hire in die Ben Bernhard-landgoed, waar Emile van der Sluys, van De Hollandsche Mollen in Wemmershoek, het hier saam met sy stiefpa, Willem Botha gewerk het.
Hulle was besig om ’n dak te herstel by die onderneming suid van die Paarl toe hulle ’n vurkhyser nader aan die dak getrek het.
Emile het bo-op die hyser gestaan en was besig om aan die dak te werk, toe hy sy balans verloor het.
Hy het agteroor geval, die beheerhefboom getref en onder die hyser se vurkmeganisme beland.
Die meganisme is geaktiveer en Emile is vergruis voordat iemand hom kon help.
Emile het in 2005 by Hoërskool Gimnasium gematrikuleer en hierna het hy saam met sy stiefpa gewerk.
Hy word oorleef deur Botha, sy ma Kittie asook sy broers, Marco (22) en Lourens (24).
* A young man died in a freak accident when he got caught in the mechanism of a fork-lift.
