ONDER die oog van ’n splinternuwe afrigtingspan begin Newtons Rugbyklub Maandag met voorbereiding vir die nuwe rugbyseisoen.
Sydney Cupido is aangestel as die hoofafrigter terwyl die hulpafrigters bestaan uit Mervin Petersen, Jacquin Johannes, Reggie Williams en Willie Abrahams.
Die klub se amptelike oefentye sal wees Maandag, Dinsdag en Donderdag om 19:00 te Newtonpark.
’n Oefenkamp word ook beplan vir 1 Maart.
Die volgende program en vriendskaplike wedstryde is reeds vasgestel: 29 Februarie - Saamtrek van oud-spelers en administrateurs; 1 Maart - Oefenkamp; 7 Maart - Newtons teen Coronations en Distrikte; 14 Maart - Newtons teen Paarl Rugbyklub; 21 Maart - Paasnaweektoernooi.
