Gevaarlik vir fietsryers by sirkels
2008-01-17
NA aanleiding van die brief oor die dame wat raakgery is op haar fiets wil ek noem dat ek ’n soortgelyke ervaring oor die Kerstyd gehad het by die sirkel op pad na Langenhovenlaan in die Paarl. Ek is rakelings gemis deur die motorbestuurder. By ’n vorige geleentheid het iemand oor die rooi verkeerslig gery en my ook byna raakgery op my fiets! Besef motoriste nie hoe weerloos fietsryers en stappers is nie? Bestaan die verkeerspolisie nog in die Paarl? Hoekom word daar nie soms gepatrolleer op ons paaie nie? Motoriste bestuur soms uiters gevaarlik en vinnig - dit is onaanvaarbaar dat daar niks aan die probleem in die Paarl gedoen word nie. ’n Paar spoedkameras op bekende plekke sal wel fondse genereer, maar los nie die probleem van wetteloosheid op nie. Tree asseblief op in 2008. Alta Visagie
More
News
|
