DIE OBOS se jaarlikse simposium vir senior skoolbestuurders en OBOS-personeel vind plaas môre om 18:00 tot 16:00 by die Konferensiesentrum, Klub Mykonos, Langebaan.
Die punte van bespreking sal wees:
* Suid-Afrika ná 1994. Die Suid-Afrikaanse Grondwet het ’n veilige, regverdige en vrye land in die vooruitsig gestel. Dertien jaar later - is dit verwesenlik? deur dr Franklin Sonn, Wes-Kaapse sakeleier en opvoedkundige.
* Ondersteun die eietydse strafregstelsel die verwagtinge aan ’n veilige gemeenskap in die hedendaagse Suid-Afrika, deur regter Deon van Zyl van die Kaapse Hooggeregshof.
* Die invloed en krag van godsdiens as vormende faktor in die herstel van trots en waardigheid in ons sekulêre en post-moderne gemeenskap deur prof Russel Botman, rektor van die Universiteit van Stellenbosch.
* Die senior Skoolbestuurder as leier in ’n waarde-gedrewe gemeenskap, deur dr Jeanette de Lerk, senior lektor opvoedkunde, Universiteit Stellenbosch.
* Die groot SA ommekeer. Vanaf verydelde verwagtinge tot die herstel van verbreekte beloftes. Wat is realisties moontlik deur Conrad Sidego (voormalige joernalis en Suid-Afrikaanse ambassadeur in Denemarke).
Om deel te wees van die simposium, skakel Michael le Cordeur by 082-857-8076
