DIE hof uitspraak van ’n voormalige Drakenstein raadslid, Jacqueline Noland, is in die Kaapse Hooggeregshof uitgestel tot 29 Februarie.
Noland het die Kaapse Hooggeregshof versoek om haar heraanstelling as raadslid goed te keur, nadat die Onafhanklike Demokrate (OD) haar geskors het tydens die oorstapperiode verlede jaar.
Volgens Noland verlang die Hooggereghof meer inligting oor die impak op munisipale besluitneming indien haar plaasvervanger, Stephen Christopher Jochims (OD), as raadslid uit die stoel gelig word.
Noland, vroeër die onderburgemeester van Drakenstein, is deur die ID van hierdie pos onthef na bewerings van finansiële ongerymdhede.
Noland voer aan dat sy volgens die ouditeursverslag van KPMG onskuldig bevind is aan enige finansiële ongerymdhede.
