’n VERMEENDE dief is vasgetrek nadat hy sy identiteitsdokument by sy slagoffer se huis laat val het.
Die inbraak het verlede week plaasgevind in Oranjestraat.
’n Dief het vermoedelik toegang tot die woning gekry deur op die dak te klim en deur een van die dakvensters van die ou huis te klouter.
Hy is vermoedelik verwilder toe die eienaars by die huis aangekom het, maar nie voordat hy verskeie waardevolle goedere in die hande gekry het nie.
’n Polshorlosie, digitale kamera. en duur juwele ter waarde van meer as R15 000 is gesteel.
’n Hoëtroustel en DVD-speler is ook ontkoppel, maar die dief is op daardie stadium vermoedelik verwilder.
Die jong man het tydens sy strooptog sy identiteitsdokument laat val en het onbewus daarvan gevlug.
Na intensiewe ondersoek deur die polisie, is die twintigjarige Rowan Claasen, wie se boekie op die toneel gevind is, in hegtenis geneem. Sy vingerafdrukke is ook op die toneel gevind.
* An alleged burglar was caught after dropping his identity document at the scene of the crime.
