Bergrivier word oorskadu
2008-03-19
SATERDAG het Bergrivier met 8 paaltjies vasgeval teen Stellenbosch en Distrikte op Stellenbosch. Bergrivier se kolwers en veldwerkers het gesukkel om hulle voete op die veld te vind en die tuisspan het hulle in alle afdelings van die spel oorheers. Bergrivier het eerste gekolf en goeie boulwerk deur die tuisspan se boulers het Bergrivier se kolwers laat bontstaan. Bergrivier kon slegs 106 lopies aanteken. Fabien Arendse het, met 18 lopies, die hoogste telling vir die besoekers aangeteken. T Cornelissen (4/26), C Bodewa (3/26) en M Arendse (2/32) was die tuisspan se beste boulers. Die Stellenbosch-span het die lopietotaal aangeteken vir die verlies van slegs 2 paaltjies. M Beukes (37) en T Cornelissen (21*) was die beste kolwers.
More
News
|
