Streekspan loop deur
2008-04-03
PAARL se Rugbystreekspan het Saterdag vasgeval teen SK Walmers in ’n vriendskaplike wedstryd op Faurestraat-stadion. Die kragmeting het as ’n voorwedstryd vir die ontmoeting tussen WP en die Pumas plaasgevind. Alhoewel die Streekspan by tye goeie rugby gespeel het, het SK Walmers uiteindelik die wedstryd gemaklik gewen met 26-10. Die rustydtelling was 19-3. Vir die Paarliete het Christopher Africa ’n drie gedruk. Enrico Davy het Africa se drie verdoel en ook geslaag met ’n strafskop na die pale. Uitblinkers vir die streekspan was Hein Pretoruis, Marlen Snyders, Makkie Heyns en Yullin Claasen. Volgens Herman Andrews, hulpafrigter van die Paarl Streekspan, was die wedstryd in ’n goeie gees gespeel en was die besoekers eenvoudig die sterker span. “Daar lê egter harde werk vir ons voor met die eerste ligawedstryd wat op 1 Mei afskop.”
More
News
|
