Pret en praat by Monumentdag
2008-04-17
HOPE pret, kompetisies, pryse en interessante vertellings wag vir die hele gesin op Internasionale Monumentdag, môre by die Taalmonument in die Paarl. Besoekers sal ’n kulturele en omgewingstoer kan onderneem wat kort praatjies insluit oor die oorsprong van Afrikaans, idiome-kompetisies vir beide kinders en volwassenes en ’n skattejag wat op die omgewing fokus. Op die spel is ’n Monumentmedalje van 1975, geskenkbewyse en ander pryse. Daar sal ook ’n spesiale verrassing vir plaaslike besoekers wees. Altesame 120 graad sewe leerders van Dalweide Primêr in die Paarl sal die monument op die dag besoek, wat moontlik gemaak word deur die monument se Borg-’n-bus projek. Die program begin om 09:00 en duur tot 16:00. Vir navrae, skakel 021-872-3441.
More
News
|
