DIE WCC is gekant teen die proses wat die ANC gevolg het met die aanstellings van die uitvoerende direkteure, waar alles in die geheim plaasgevind het en gevolglik het ons nie die Raadsvergadering bygewoon nie.
Dit is ook baie duidelik dat die ANC nie sy Polokwane resolusies implimenteer nie, met betrekking tot die 50% vroueverteenwoordiging in die direkteursposte nie. Gevolglik kan ons party nie die aanstellings bekragtig nie.
Ons wil ook graag by Ronald Brand (Raadslid: Vryheidsfront+) weet wanneer hulle hul kiesers gaan aanmoedig om plaaswerkers te bevoordeel deur bruin en swart persone aan te stel in plaasbestuurdersposte. Tot dusver is dié poste nog net aan wit aansoekers toegeken.
Regstellende aksie behoort op alle gebiede toegepas word en die VF+ moet hulle nie blind staar wanneer dit by sekere aanstellings kom nie.
Dawn Jacobs (WCC Raadslid Drakenstein)
