Mooigoed onder eike
2008-04-24
DIE ACVV Rusoord tehuis vir bejaardes in die Paarl is op 7 Mei ’n halfeeu oud. Suzette Plekker, Doreen Fleming en vriende van Rusoord nooi almal uit om hierdie heuglike dag te herdenk met ’n fynproewers keur van mooigoed. Die viering, `n Huis vol harte en rose, word gehou op Vrydag 16 Mei vanaf 10:00 tot 18:00 en Saterdag 17 Mei vanaf 09:00 tot 17:00 te Bosmanstraat 14, Paarl. Toegang is gratis. Onder die eikebome kan u skoene uitskop en kuier met ’n keurige koppie tee, terwyl u die mooigoed bekyk en u beursie se inhoud balanseer. Die opbrengs van die mooigoed en tee gaan aan Rusoord. Slegs kontant/kontanttjeks word aanvaar (geen kredietkaarte nie). Vir navrae, skakel Lydia Corbett by 021-870-3304.
More
News
|
