Paarliet spog met silwer by SA's
2005-06-30
DIE Paarl spog met sy eie vrou van staal.
Martie Stoumann het ’n silwermedalje verower tydens die SA Duathlon Kampioenskappe wat onlangs in Klerksdorp gehou is.
Stoumann, wat in die 35 tot 39 jaar ouderdomsgroep deelgeneem het, het die eerste 10km hardloopsessie in 42 minute voltooi, waarna sy die 40km fietsry in 1 uur en 32 minute afgelê het.
Sy het die laaste 5km hardloopsessie in 26 minute klaargemaak.
Die SA Duathlon-span wat in September in Australië aan die Duathlon Wêreldkampioenskappe gaan deelneem, sal binnekort aangekondig word en die Paarliet staan ’n goeie kans om in die span opgeneem te word.
Martie benodig dringend ’n borgskap en enige belangstellendes kan haar skakel by 082-299-4417.
More
News
|
