EK is ’n ongelukkige padgebruiker. Die verkeerslig by Spilo werk nie. Ek het begrip dat daar drie dae gelede ’n ongeluk was.
Ek voel die verkeersdepartement doen nie veel moeite om die pad weer gebruiksvriendelik te maak nie.
Ek het vroeër die verkeersafdeling geskakel en met mnr Van den Heever gepraat wie nie baie vriendelik en behulpsaam was nie. Hy het gevra waarom ek nie ’n alternatiewe roete gebruik terwyl ek vanaf Wellington na TC Newman ry nie. Ek het aan hom voorgestel om ’n verkeersman op die punt te gebruik om die agtuur verkeer te verlig.
Ek wou ook weet wanneer die verkeerslig reg sou wees. Jy staan so lank tydens spitsverkeer.
Al ry jy vroeër by die huis, kom jy nog steeds laat.
