Stuur owerhede skool toe vir beplanning
2008-05-15
DIE beplanningsvermoë van ons stadsvaders blyk traag te wees, soos weer duidelik was Vrydag met die chaos in die Paarlse Hoofstraat. Tydens die week het munisipale werkers verskeie gedeeltes van die Hoofstraat gelap. Dit is heeltemal aanvaarbaar, maar toe hulle Vrydag steeds hiermee voortgaan en reuse verkeersknope veroorsaak, was dit nie meer snaaks nie. Dit is geen geheim dat die Hoofstraat daagliks probleme het met swaar verkeer nie, maar dié Vrydag was dit ’n ramp deur die padwerke. Vanaf 13:00 was ’n stilstaande tou motors sigbaar vanaf Lady Greystraat in die middedorp, tot by die skoolverkeer by Auretstraat. Is die stadsbeplanners dan nog nie bewus van ons verkeersprobleme terwyl hulle knus in hul kantoortjies in die grys paleis sit en potlode tel nie? Stuur tog vir hulle terug na beplanningskool, voordat hulle weer so ’n projek aanpak. Moeggewag
More
News
|
