AS klein dogtertjie het ek elke oggend saam met my ma skool toe gestap. By ’n klein aptekie het ’n Vader Krismis in die venster gestaan en tik.
Eendag as ek groot is gaan ek hier werk, het ek vir my ma gesê. As 17- jarige het ek daar begin werk. Van klein aptekie na groter en nog groter apteek.
Nou na 26 jaar word die droom beëindig.
Aan mnr en mev Sterling van die Westerman’s Apteek wil ek net baie dankie sê. Vir beter leermeesters kon ek nie vra nie. Hulle het my selfs geleer om Engels te praat.
Aan Kevin Sterling van Dis-Chem sê ek dankie dat julle aan die personeel werksgeleenthede kon bied.
Aan al ons kliënte wil ek dankie sê vir die jare se ondersteuning. Ons was soos ’n familie. Kom kuier in die Mall. Al die ou gesigte sal daar wees.Carine Victor
