Sundowns troef Newtons Sokkerklub
2008-05-22
IN ’n taai sokkerwedstryd wat oor die naweek in Mbekweni beslis is, het Mbekweni Sundowns vir Newtons met 3-2 geklop. Sundowns het eerste gedoel waarna Ricardo Petersen van Newtons die telling gelykop gemaak het net voor die omdraaislag van die wedstryd. In die tweede helfte het Sundowns verwoed aangeval. Hulle is beloon met ’n strafskop toe Keith Hendricks van Newtons die bal in sy eie doelgebied hanteer het. Sundowns se doelskop was suksesvol waarna Newtons se verdedigers en middelveldspelers konsentrasie verloor het weens swak beslissings van die skeidsregter. Gevolglik het Sundowns ’n derde doel aangeteken. Kort voor die einde van die wedstryd het Charles Daniels ’n doel vir Newtons aangeteken om die eindtelling tot 3-2, in die guns van Sundowns, te bring.
More
News
|
