Voorkoming van papsakbabas
2008-05-22
’n INLIGTINGSDAG oor ’n Fetale Alkohol Sindroom-voorkomingstudie word op 28 Mei, vanaf 14:30 tot 17:00, op die Nelson Wynlandgoed in Windmeul gehou. Die Fetale Alkohol Sindroom-voorkomingstudie word gedoen in samewerking met die Universiteit van New Mexico (VSA), die Fakulteit Geneeskunde van die Universiteit van Stellenbosch, die Universiteit van Kaapstad en die Mediese Navorsingsraad van Suid-Afrika. Die missie van die studie is die bydrae tot ’n beter lewe vir almal deur die voorkoms van fetale alkohol spektrum-afwykings te verlaag met behulp van etiese en sosiaal aanvaarbare omvattende voorkomingsaktiwiteite in plaaslike gemeenskappe. Vir meer besonderhede, skakel Ronel Barnard by 021-873-2933 of 076-157-7695.
More
News
|
