MENEER, u is die eienaar van ’n wit CJ Ford Laser. U het Sondagoggend 25 Mei teen die Jan Philipsberg-pad by die Meulwatertuine parkeer.
U en u dame het op die passasiersitplek skaamteloos allerhande akrobatiese toertjies uitgehaal en daarna u gebruikte kondoom en snesies net daar op die grond gelos.
Ek vra aan u en aan die ander mense om hulle gemors liewer saam te neem huis toe of liewer hul kaperjolle tussen die lakens te beoefen.
Ons bergpad is by plekke vieslik bemors. Ons wil dit nie meer so hê nie. Volgende keer neem ek ’n foto van u motor.
