Sport Dagboek
2008-05-29
SPORT EXCELLENCE GYM Die wenspan van Sport Excellence Gym hou Saterdag sy amptelike opening saam met bekende Springbok rugbyspelers as eregaste. Lede van die gimnasium gaan ook die super 14 rugbyfinaal op die ‘big screen’ geniet. NETBAL Verlede jaar se twee NSA Nasionale Netbal Liga-finaliste, Die Wes-Kaap Tornados en die Gauteng Thunderbirds, is môre om 18:30 by Gimnasium se Sportsentrum in aksie. Dit behoort ’n opwindende wedstryd te wees tussen verlede jaar se twee finaliste. Die Tornados het tydens verlede jaar se naelbyter-stryd met 37-36 geseëvier. STREEK-RUGBY Wedstrydbepalings vir Saterdag is soos volg: Young Standards vs Riverstones (C veld); Voilets vs Allandale (A veld); Vineyards vs Laer Paarl (Hoofveld); Young Gardens vs Windmeul United (Gardens Park). Juniorwedstryde begin om 10:00. Die algemene uitvoerende bestuur maandvergadering word Woensdag om 19:00 te Allandale gehou. Die vergadering sal ook dien as Forum-vergadering met WPRFU bestuur. Die loting van die Paarlstreek-uitkloptoernooi wat op 14 en 21 Junie gehou word, vind voor vergadering plaas. Afrigters van klubs se senior- en juniorspanne moet teenwoordig wees. ATLETIEK Paarl atletiekklub hou op 9 Junie ’n ledevergadering in die klubhuis van Noord-Eind Laerskool. ’n Geselligheid vir almal van Paarl atletiekklub wat aan die Comrades Ultra-marathon gaan deelneem word ook gehou. Kontak 083-444-6940.
More
News
|
