Kasbouer weg met gereedskap
2008-06-12
DIE polisie van Wellington is op soek na ’n man wat in plaas van kaste inbou, na bewering die huisbewoners se eiendom wegdra. Wikus Lombard (42), van onbekende adres, het twee weke voordat die inwoners hul nuwe huis sou betrek, in die woning gaan bly om kaste in te bou. Die huiseienaar het onraad vermoed en het Lombard na Kanariestraat, Paarl-Oos, gevolg. Daar het hy gesien hoe sy kraggereedskap en ander items uit ’n Coltbakkie verkwansel word. Daar is vermoedens van aankope van die Tik-dwelm. Lombard beweeg tussen Wellington, die Paarl en Stellenbosch. Insp Biga Jones, 083-2716-315, sal inligting oor waar Lombard hom bevind, verwelkom.
More
News
|
