Skool op Hermon kom tot sy reg
2008-06-26
NADAT die skool vir jare op twee persele geboer het, het Rondeheuwel Primêr op Hermon nou uiteindelik al sy skapies in een hok. Die gebou is uitgebrei om vir al die leerlinge op een perseel voorsiening te maak. Die nuwe gebou is onlangs met glans en swier ingewy, met gaste wat van heinde en ver gekom het om die geleentheid te vier. Die blydskap van die kinders oor hul mooi nuwe skool is uitgebeeld in ’n gedig wat een van die leerders, Adriaan Swartz (graad vyf), oor die geleentheid geskryf het: Onder skool, bo skool, nuwe skool Vir jare was ons skool in twee kampe verdeel. Bo skool, onder skool en nou uiteindelik een. Die gewag en gewag Laat ons almal nou lag Want in ‘n pragtige huis is ons nou maklik tuis Die opvoeders het nie laat wag getrek en gepak. Disneyland, Dolphin Bay, Fairyland Sunshine Harbour, Butterfly World Out of Africa en The Young Ones is ‘n Tuiste wat jou na jou asem laat snak.
More
News
|
