EK verwys na die voorbladberig van 26 Junie omtrent die twee tienerseuns wat teen ’n hoë spoed in Thys de Vries van Foxglovestraat se woning vasgejaag het.
Hierdie sinnelose gejaag vind al vir baie lank daagliks plaas. Foxglovestraat en Bo-Langstraat, veral Bo-Langstraat, word toenemend deur jaagduiwels gebruik om hul passies te kom beoefen en te vertoon.
Veral saans laat wanneer die voggies hul ding doen en soggens vroeg wanneer van die perde laat is vir werk - heel moontlik nog as gevolg van die vorige aand se manewales.
Vragmotors wat plaasmense vervoer, is ook van die sondebokke.
Wanneer gaan daar ’n onskuldige kind dood op die sypaadjie lê? Hoekom word mense toegelaat om van ’n dorp se strate resiesbane te maak?
Gatvol vir jaagduiwels
