Wellington-sone lewer taai stryde
2008-07-03
DIE naweek se wedstryde in die Wellington Landelike Sone-unie het die naweek kookwaterrugby gelewer. Young Lions het heeltemal te min skietgoed vir hul teenstanders, United Stones, gehad en met 0-50 vasgeval. Evergreens het hard geswoeg om met 32-28 baas te wees teen Young Superstars. Young Warriors het sy kragmeting met Bergrivier United gemaklik gewen met 32-17 terwyl Sandrivier United, met 20-0, gans te sterk was vir Young Stars. Doolhof Warriors het met 0-8 die knie gebuig teen Oceans. Die Wellington Sone-unie speel Saterdag teen Worcester Sone-unie op Worcester. Die bus vertrek om 12:00. Op 12 Julie speel al die klubs in die Wellington-sone op Newtons se velde. Wedstryde begin om 12:00
More
News
|
