EK rig hierdie skrywe aan die bestuurder van ’n wit CJ Mitsubishi Prado.
Meneer, ek het u al telkemale op pad teëgekom met u kleuter wat op u skoot staan en u voertuig “bestuur”. Besef u wat u doen? U ry teen ’n slakkepas omdat u nie self bestuur nie, en dit veroorsaak dat die voertuie agter u ongeduldig raak en kanse waag.
U onskuldige kleuter-“bestuurder” stel u en ander padgebruikers onnodig bloot aan gevaar.
Dink voordat u sulke dinge toelaat, dit kan lelike nagevolge hê.
Ontstelde motoris