Riverstones voer botoon teen Violets
2008-07-24
IN ’n wedstryd wat aanvanklik gesukkel het om aan die gang te kom, het Riverstones Rugbyklub Saterdag, met 24-0, die botoon gevoer teen Violets. Talle foute aan Violets se kant het daartoe gelei dat geleenthede om punte aan te teken daarmee heen was. Riverstones het eerste agter die doellyn gaan kuier om die telling 5-0 te maak. Ná rustyd het Riverstones hul teenstanders se foute uitgebuit en nog drie drieë ingeryg. Riverstones se drieë is gedruk deur Manfred Solomons, Devan Barnes en Riaan Titus (2). Donovan Hougaard het twee doelskoppe behaal. Aan Violets se kant het Tyron Uren en Jeremy Klaasen hard probeer om hul span in die wedstryd te hou. Riverstones se tweede span het met 19-0 geseëvier en Violets se derde span het met 17-0 gewen. Violets speel Saterdag teen Young Standards terwyl Riverstones kragte meet met Allandale op Daljosafat. * Violets hou Saterdag hoenderverkope aan huis van Kenneth Dennis te Grebestraat teen R30 per bord. Violets en Riverstones hou Sondag ’n kerkdiens by die Huguenot VGK Strauss-saal om 09:30.
More
News
|
