SATERDAGAAND, na interskole, gesels ek en my twee dogters op ons gesinsforum op die internet.
“Pa wie het toe interskole gewen?” vra beide amper gelyktydig.
“Julle bedoel seker die rugby-interskole” antwoord ek, (want soos almal weet het Boishaai vanjaar feitlik alle ander sportkragmetings teen Gim gewen; altans so hoor ek).
“Julle vra nou ’n baie moeilike vraag waarvoor ek nie regtig ’n antwoord het nie. Boishaai se eerste span het lelik verloor; nogal met ’n rekord telling. Ook dus mag die antwoord dalk Gimnasium wees.
“Maar dan is dit ook so dat 22 wedstryde gespeel is, waarvan Boishaai 14 gewen het, 1 was gelykop en Gim het 7 gewen.
“In die proses het Boishaai se spanne 367 punte aangeteken en Gim se spanne 242. Die wedstrydgemiddelde is dus 16 - 11 ten gunste van Boishaai. Wie het nou werklik interskole gewen?”
“Boishaai” antwoord beide, weereens amper gelyktydig! En wie stry nou met jou dogters?
