Wellingtonner van die Jaar
2008-08-07
DIE Wellington Rapportryers nooi inwoners en instansies uit om voorstelle te maak vir Wellingtonner van die Jaar 2008. Nominasies moet volledige motivering bevat, veral wat betref die kandidaat se diens aan en betrokkenheid by die gemeenskap van Wellington. Stuur nominasies so gou moontlik, maar nie later nie as 18 Augustus aan Die Sekretaris, Albatrosstraat 5 of Posbus 173, Wellington, 7654. Die dinee waartydens die toekenning oorhandig sal word, vind weer plaas by die Hugenote Hoërskool en wel op Donderdag 28 Augustus. Die spreker hierdie jaar is die bekende politikus Sandra Botha. Die prys van die kaartjies is R150 by Kodak Express, Kerkstraat, Wellington, of by enige Rapportryer.
More
News
|
