Hoera vir spanwerk
2008-08-14
Die onverwagse kragonderbreking wat die hele Wellington Sondagoggend getref het, het toe ’n aangename verrassingselement gehad. Ons was in kennis gestel dat die onderbreking minstens 24 uur sou duur, maar dit kan selfs drie dae wees. As sakemense moes ons almal gebeurlikheidsplanne in plek kry. Ek was Maandagoggend nog besig om al ons wassery se kliënte in te lig dat ek reëlings getref het om hul goedere in Kaapstad te laat doen, toe die krag onverwags om 08:30 aangaan. Die werk wat dwarsdeur die nag gedoen is, het tot gevolg gehad dat die verwagte ongerief ingekort is na enkele ure. Vir die sakegemeenskap en uiteraard vir alle huishoudings was dit ’n reuseverligting. Ek het dadelik vir Jan Coetzee van Drakenstein Elektriese dienste geskakel en hom en sy span in samewerking met Eskom geluk gewens met ’n besondere prestasie. Wel gedaan!! Herman Bailey
More
News
|
