Karate-studente na Japan
2008-08-14
SEWENTIEN studente van sensei Francois du Plessis se karateskool is gekies as ’n kulturele groep wat hul swartgordel-eksamen in Japan gaan aflê. Die span vertrek op 22 September na Tokyo. Die span sal ’n intensiewe oefenprogram deurloop en onder andere tuisgaan by die Kashima Jimbo - ’n historiese martial arts kulturele sentrum. In Japan sal hulle oefen onder seiko Shihan Gogen, hoof van Goju-Kai in Japan en seun van die legendariese Gogen Yamaguchi. Die Afrika-hoof, Sihan Peter Brandon, sal ook die span vergesel. Vir ’n karate-student verg dit jare se oefening om ’n swartgordel te bereik. Om dit in Japan te bereik, maak dit soveel meer van ’n hoogtepunt. Sommige van die studente wat gekies is, het reeds op vierjarige ouderdom, onder leiding van sensei Francois du Plessis, begin karate neem.
More
News
|
