Hillcrest gooi sege weg
2008-08-21
SWAK opsies en treurige verdediging het Saterdag vir Hillcrest United die wedstryd gekos teen Young Hamiltons. Hamiltons het, met hul 13- 10 oorwinning, vir Hillcrest gewys wat geduld met balbesit beteken en dit wil voorkom of die span van Wellington se sterkpunte nou sy swakpunte geword het. Talle geleenthede om punte aan te teken het deur swak opsies en selfsugtigheid verlore gegaan. Alhoewel die rustydtelling 10-3 was in Hillcrest se guns, het die afrigter se insette beslis die manne van Worcester begeester. Dit was beslis een van Hillcrest se swakste wedstryde en plaas die span onder onnodige druk om die uitspeelwedstryde te haal. Dit is nou terug tekenbord toe vir Hillcrest. Hillcrest speel Saterdag in Bredasdorp. Die busse vertrek stiptelik om 8:30 en kos R50 per persoon.
More
News
|
