Sleepvoet oor die nuwe voetoorgange in Kerkstraat
2008-08-28
EERSTENS baie dankie aan die verkeersdepartement van Wellington vir die twee nuwe voet- oorgange in Kerkstraat. Tweedens, ongelukkig kan voetgangers dit glad nie gebruik sonder om die risiko te loop om doodgery te word nie! Weet die motoriste van Wellington waarvoor daardie strepe is? Vrydagmiddag het ek met my tweejarige dogtertjie in ’n stootwaentjie twee keer probeer om Kerkstraat oor te stap. By albei geleenthede het die motors glad nie eens ’n poging aangewend om stadiger te ry nie, watwou nog te stop. Wat van al die ouer mense wat van die ouetehuis Kerkstraat moet kruis na byvoorbeeld die poskantoor of die supermark toe? Is daar nie ook by dit alles ’n 60 km/uur spoedbeperking in Kerkstraat nie? Vra maar net
More
News
|
