EK sien die Paarl Post het verlede week ook saamgeskryf oor Peter de Villiers en die Bokke wat so sukkel om te wen.
Dankie Vader hulle het dit toe darem Saterdag reggekry - en hoe!
Wat my pla is hoeveel mense in verskillende media verlede week beweer het dat die Bokke opsetlik swak gespeel het om Peter se reputasie te laat skade ly.
Hoekom op aarde sal ons top-rugbyspelers hoegenaamd wil verloor?
Ek is seker dat hulle tot die beste van hul vermoë gespeel het in elke wedstryd onder Peter se aanvoering - dat daar moontlik aanpassingsprobleme was met die nuwe styl kon wel bygedra het tot hul nederlae.
Maar om te beweer ons Bokke is so rassisties dat hulle hul eie afrigter opsetlik sal dwarsboom?
En daarmee hul eie reputasies op die spel sal plaas? Belaglik.
Nee a, dis haatspraak wat ek nie kan kondoneer nie.
Bok-liefhebber
