EK wil graag die personeel van Paarl Hospitaal bedank vir hulle uitmuntende dienste gedurende die siekte van twee familielede.
My pa, Erick Fortuin, was gediagnoseer met kanker en is in Desember in ’n koma opgeneem.
Die hospitaalpersoneel het hom baie goed versorg en hulle beste gedoen om hom te help vir die drie dae wat hy geleef het.
Ons kon enige tyd vir hom besoek al was dit nie besoektyd nie. Die saalsuster het altyd gebel en laat weet hoe dit met hom gaan.
My ma, Dolly Fortuin, het in Augustus ’n ligte beroerte gehad, en sy is ook vir twee dae daar met liefde behandel.
Paarl Hospitaal se personeel het ons altyd met ’n glimlag gehelp. Baie dankie.
D Fortuin, Franschhoek
