EK wil graag reageer op die “Ou Paarliet” se brief “Pasop vir Nieu-Seeland”.
Eerstens wil ek vir daardie persoon sê dat ek nou 22 jaar oud is en my eie besigheid hier in Nieu-Seeland besit wat baie, baie suksesvol is. Ek het ook familie en vriende hier, ook uit die Paarl, wat baie, baie gelukkig is.
Mense wat hier aankom met die houding dat alles dadelik maanskyn en rose gaan wees, is gewoonlik die mense wat sak-en-pak weer terugkeer Suid-Afrika toe.
As Nieu-Seeland dan regtig so sleg is, hoekom is hier so baie immigrante?
Ek sal eerder sê dat ons baie, baie bevoorreg is om in hierdie land te bly. Ons het Suid-Afrikaanse kerke, winkels, tydskrifte en baie meer.
Moet my nie verkeerd verstaan nie. Ek mis my land en familie, maar hier kan ek nog rustig slaap in die nag sonder ’n ysterhok om my huis.
As jy ’n slegte ondervinding hier in Nieu-Seeland gehad het, hou jou opinie vir jouself.
Dat ek nou sulke strooi in my gunsteling-koerant moet lees. SH, Manukau, Auckland Nieu-Seeland
