Fietsryers jaag deur Vallei
2005-03-10
VAS aanloop van die Cape Argus Pick ‘n Pay fietstoer Sondag, sal die Giro del Capo professionele fietstoer vandag en môre deur Paarl en Wellington beweeg, en sommige strate sal daarvoor gesluit word. Vandag van 08:00 tot 09:30 sal Markstraat, Paarl, gesluit wees vir die begin van die tweede been na Franschhoek en Villiersdorp. Daar sal ook ‘n kort vertraging wees op die R303 na Franschhoek tussen 09:30 en 09:50.
Markstraat sal dan weer die middag gedeeltelik gesluit wees vir die voltooiing van die been tussen 14:15 en 14:45.
Môre sal Kerkstraat, Wellington, gedeeltelik gesluit wees tussen 08:00 en 9:30 en weer tussen 11:45 en 12:30 vir die begin en einde van die derde been na Wolseley en terug. Fonteinstraat sal gesluit wees vir gebruik deur die deelnemers en hul steunvoertuie.
Daar sal ook vertragings wees by Hoofstraat en die R44 na Hermon tussen 09:30 en 09:50. Later die oggend sal die Nuwekloofpas tussen 11:00 en 12:30 ook gesluit word verkeer.
More
News
|
