Aandklasse vir volwassenes
2008-10-02
DIE aandklasse van die Simondium Volwasse Onderwyssentrum begin weer eersdaags. ’n Opvolgvergadering om die nuwe kursusse wat beoog word, te bespreek, word Donderdag 9 Oktober om 19:30 by Simondium Primêr gehou en alle belangstellendes is welkom. Benewens geletterdheidsklasse en matrikulasieklasse, word nuwe vaardigheidskursusse ook voortaan aangebied om by te dra tot werkskepping. Dit sluit in gesertifiseerde kursusse in primêre gesondheidsorg en entrepreneurskap, asook leerling-bestuurderslisensies. Alle werkloses en mense wat nie skool voltooi het nie, is welkom, asook werkgewers wat wil aanklop oor hoe om hul werkers se vaardighede te verbeter. Registrasiegeld vir matriekvakke (R40) is betaalbaar by die vergadering en identiteitsdokumente moet saamgebring word. Vir meer besonderhede, skakel Jeremy van Wyk by 082-436-6393.
More
News
|