Die Kaalkop Waarheid sing
2008-10-02
DIE agtstuk musiekgroep van Pretoria wat nou al vir amper tien jaar lank oorspronklike Afrikaanse musiek maak, Die Kaalkop Waarheid (DKW), tree op by die Klein Libertas Teater op Stellenbosch op Maandag 8 Oktober om 20:15. Die Kaalkop Waarheid se genre is uniek in die Suid-Afrikaanse mark en kan as Afrikaanse akoestiese big band folk-rock musiek beskryf word. Die lirieke, meestal uit die pen van Nardus du Plooy, handel oor alledaagse lewenservarings en is gevul met nostalgie, liefde en rooiwyn. Kaartjies kos R60. Vir besprekings, skakel 021-883-8164.
More
News
|
