Duitse Kerk in die Paarl hou basaar
2008-10-09
DIE Duitse Kerk bestaan al vanaf 1880, en omdat Duitsers inherent gesellig is, het hulle maar gereeld een of ander fees gevier. Hierdie jaar se Duitse Kerkbasaar vind Saterdag in Meulstraat, Paarl, plaas vanaf 09:00. By dié gesellige fees is heerlike Duitse gebak beskikbaar: van kaaskoek tot scwarzwald kirschtorte en apfelkuchen. Daar sal ook ’n vleistafel, ’n vragmotor vol plaasgroente en plantjies vir die lentetuin wees. Moenie vergeet van die naaldwerk, geskenke, snuisterye, delicatessen, die prettige tombola en groot boeke-tafel nie. Lekker eet en drink is ook sinoniem met Duits wees, geniet dus ’n tipiese bord Duitse kos, waaronder bratwurst, koffie en koek, en natuurlik die yskoue bier, bohle en wyn in die samekomstent. Daar is ook genoeg aktiwiteite vir die jong- en kleinspan, want die Duitse basaar is ’n familiefees. Almal is welkom.
More
News
|
