HJS klop Hugenote; Gim troef Landbou
2008-10-30
Jaco van Wyk
DIE Hoër Jongenskool het Saterdag se kragmeting teen Hoërskool Hugenote met 10 paaltjies gewen, danksy ’n skitterende 74 lopies deur C Smith, en puik boulwerk deur C Brockman (24/4). Vir Boishaai het M Kotze (14) ook bygedra tot sy span se totaal van 92 lopies. P Stofberg (22/3) het saam met Brockman hul opponente uitgehaal vir 88 lopies. HJS se o.14A’s (151) het ook klaargespeel met Hugenote se o.14A’s (109) deur laasgenoemde met 42 lopies te klop. JL du Plessis (68) was die Boishaaiers se beste kolwer. * Hoërskool Gimnasium het 235/9 aangeteken, in 50 boulbeurte, om vir Hoër Landbouskool Boland (210/9) te klop. Stefan Kotze was die Gimmies se groot held met 142 lopies, terwyl Niel Kemp (38) hom goed bygestaan het. Gim se beste bouler was Herman Redelinghuys met 3/26 in 10 boulbeurte. Stefan Kotze (2/32 in 10 boulbeurte) en Christopher Bosch (2/43 in 10 boulbeurte) het ook goed geboul. Gim se o.19B’s (102) het die knie gebuig met 116 lopies teen Landbou se o.19B’s (218). Gim se o.14B’s het met 4 paaltjies geseëvier teen Landbou se o.14B’s, terwyl die o.14A’s vasgeval het teen Landbou se o.14A’s. Gim se o.19A’s het ook onlangs te staan gekom teen die Walliese toerspan, Gorseinon College, en met 94 lopies koning gekraai. Gim se beste boulers was Petrie Muller (2/4), JC Erasmus (2/9) en Stefan Kotze (2/15). Die Gimmies wat die beste met die kolf vertoon het, was John-Henry Collins (36*), Niel Kemp (35), Erik van der Merwe (33) en JC Erasmus (32).
More
News
|
