Chaos op paaie
2008-10-30
VERSKEIE padongelukke het reddingsdienste die afgelope naweek behoorlik aan die hardloop gehad. Twee hiervan was in Klein Drakensteinweg, wat berug is vir spoedoortredings. Twee motors is Vrydagaand hier in mekaar vas, toe een motor oor ’n stopstraat gery het in Klein Drakensteinweg in. Sondagaand was daar weer chaos, toe ’n bakkie ’n voertuig probeer verbysteek het in dieselfde straat. Hy het homself misgis, en is kop-aan-kop in ’n aankomende Toyota Corolla in. Die Toyota het hierna buite beheer getol, en het deur ’n woning se buitemuur gebars. Verskeie huiseienaars wat hier woon, het gesê dat hulle byna elke nag wakker geraas word deur motors wat hier jaag. Een vrou het gesê dat dit hoog tyd is dat spoedwalle hier geplaas word, want die straat is byna soos ’n resiesbaan. Saterdagaand was ’n motorfietsbestuurder gelukkig om met relatiewe ligte beserings daarvan af te kom, toe ’n motor in hom vasgery het in Jan van Riebeeck-rylaan. Die ongeluk het plaasgevind toe die bestuurder van die motor vanaf Fairview- straat, Denneburg, in Jan van Riebeeck wou indraai. ’n Woordvoerder van die verkeersowerhede het gesê dat daar beslis ’n meer sigbare teenwoordigheid in die gebied gehandhaaf om ongelukke te probeer keer. * Various road accidents caused havoc on local roads over the past weekend.
More
News
|
