EK was onlangs in Optenhosp herstelsentrum in die Paarl opgeneem. Ek glo daar is min mense wat bewus is van hierdie uitstekende fasiliteit en wat dit behels.
Graag wil ek vir die personeel vanaf skoonmakers tot topbestuur by Optenhosp bedank vir die manier wat hulle na ons omgesien het.
Hulle is regtig soos engeltjies, so onbewus van wat hulle vir ons beteken. Altyd netjies, altyd vriendelik en ywerig om na ons behoeftes om te sien. Gedurende ons opname hier het ons net positiewe ondervindings ervaar.
Dit is wonderlik om te weet dat daar sulke mense is om na jou om te sien, veral wanneer jy so afhanklik is van ’n ander persoon.
Maurice Peach
