EK verwys na Wange se brief in verlede week (13/11/08) se Paarl Post oor die aanbring van spoedwalle in Mollstraat.
Hierdie straat is sekerlik die straat met die meeste verkeerskalmering-inisiatiewe in die Paarl, met sowaar tien vernouings wat dien as spoedbrekers, wat insluit twee spoedwalle.
Meer is sekerlik nie nodig nie, want ons ervaar nie die gejaag van motors en motorfietse nie, al woon ons ook in Mollstraat.
Roekelose bestuurders kan uitgewys word deur die Padvark-lyn te bel by 086-140-0800 en registrasienommers te verskaf.Theo van Mollstraat
