Kindersorg gaan blikkies skud
2008-11-20
KINDERSORG Paarl het op 31 Oktober diplomas oorhandig aan die vrywilligers wat suksesvol die opleiding as beraders teen gesinsgeweld voltooi het. Die vrywilligers wat nou as beraders optree, gaan Saterdag 22 November blikkies skud voor Shoprite, Paarl-Oos, om die gemeenskap bewus te maak van hul ontstaan. ’n Optog om die 16 dae van Aktivisme teen gesinsgeweld te gedenk sal op 29 November gehou word. Kindersorg wil almal uitnooi om deel te neem aan die optog. Die optog begin om 08:30 by Sonop Primêr en gaan dan deur Paarl-Oos beweeg tot by die biblioteek. Verskeie aktiwiteite sal plaasvind met vermaaklikheid om die gemeenskap in te lig en op te voed aangaande geweld teen vroue en kinders. Kontak Megan Isaacs vir verdere vrae by 021-862 6182 of 078-508-0794.
More
News
|
