Dankie vir hulp
2005-07-28
OP 18 Julie om sowat 6:15 vm was ek en my dogter in ‘n ongeluk betrokke op die Wellington-pad by die Springbokweg-afrit.
Hoewel ons motor baie erg beskadig is, en ons net ‘n paar bloukolle en kneusplekke opgedoen het, het ons verder baie lig daarvan afgekom.
As ons nou na die ongelukstoneel kyk, besef ons dat dit ‘n wonderwerk en genade is dat ons nog leef.
Ons wil graag ‘n paar mense opreg bedank vir hul bystand en ondersteuning - al die omstanders wat hande uitgesteek het om ons uit die motor te help en ons ondersteun het.
Ons wil graag die dame wat in ‘n pienk sweetpak was, bedank vir haar bystand en bemoedigende woorde. Daar was ook ‘n meneer wat ‘n wonderlike gebed vir ons gedoen het en ons wil hom graag bedank daarvoor.
Dankie ook aan die verkeerspolisie (mnr Williams) asook die ambulanspersoneel, wat so vinnig op die toneel verskyn het en baie behulpsaam was.
‘n Spesiale dank aan dr Baadjes en sy noodpersoneel van die Medi-Clinic. Baie dankie vir al julle hulp, ons waardeer dit opreg.
Dit is ‘n voorreg om te weet dat daar nog soveel wonderlike mense in ons land is, ons sal nooit vergeet nie.
Elsebé & Simoné Smit
More
News
|
