DIE Drakenstein Munisipaliteit wil sy waardering uitspreek vir die geduld wat waterverbruikers teen die hang van Paarlberg aan die dag gelê het, nadat hulle ’n groot gedeelte van die afgelope naweek sonder water moes klaarkom, of waterdrukprobleme ondervind het.
’n Pyp het in die vroeë oggendure van Saterdag gebars, wat ’n verbinding na die aangrensende stormwaterstelsel veroorsaak het.
Gevolglik was daar geen water op die padoppervlakte sigbaar nie.
Die fout is na ’n lang soektog Sondagoggend op die hoek van Hoof- en Bo-Pleinstraat gevind.
Die watertoevoer was die namiddag weer terug na normaal.
Anthony Sauls
Munisipale woordvoerder
