Polisie skiet jong aanvaller
2008-12-04
’n JONG man van Saron is die afgelope naweek doodgeskiet toe hy ’n polisiebeampte met ’n mes probeer steek het. Die voorval het Sondag om 01:30 in Minnaarstraat, Saron, plaasgevind, nadat polisie ’n klagte ontvang het oor ’n persoon wat oproerig in die straat was. Met hul aankoms by die toneel, het ’n messwaaiende jong man polisiebeamptes bestorm. Een van die offisiere het sy vuurwapen uitgehaal en ’n skoot afgeskiet. Winston Erasmus (18) is in die been getref. Hy is na Tygerberg Hospitaal geneem, maar is later daar dood. Die koeël het vermoedelik die slagaar in sy been afgeskiet. ’n Woordvoerder van die polisie het gesê dat ’n geregtelike ondersoek nou geloods sal word na die voorval. * A young man was shot dead by a police officer in Saron, after the deceased allegedly tried to stab him.
More
News
|
