EK rig hierdie brief uit dankbaarheid. Newton, Mbekweni en Vanwyksvlei was opgewonde oor ons Midway Shoprite inkopiesentrum. Ons was voorheen verlore met geen OTM’s of luukse-keuse van koop nie.
Nou sit ons met vier OTM’s. Dankie daarvoor.
Maar daar is ’n groot bron van kommer. Hoekom is hier nie ’n apteek nie?
Kan iemand vir ons verduidelik hoe lank ons daarvoor gaan wag?
As ons voorskrifte van dokters kry, moet ons Paarl of Wellington toe. Wat van ons mense sonder vervoer?
Kan iemand nie wakker skrik vir die groot nood vir ’n apteek nie?
