AS ouers van ’n sesjarige aspirant-ballerinatjie, wil ons graag uit ons hart uit dankie sê vir die fantastiese balletkonsert wat verlede week in die Paarl Polisiekollege aangebied is.
Ons was absoluut verstom met die vlak van afronding, professionaliteit en aanbieding van dié ballet-skouspel!
Die meesterbrein agter dié ballet verdien ’n medalje! Om met soveel dogters,van klein tot groot, so ’n konsert te kon hou, vereis bonatuurlike geduld en uitnemendheid!
Sal ons ooit regtig weet hoeveel ure, bloedsweet en selfs trane dit kos om so ’n produksie op die planke te bring?
Ons as balletouers was baie trots en sê graag dankie vir die harde werk en al die moeite.
Wat ’n voorreg om so ’n uitstaande balletonderwyseres soos Joy in die Paarl te kan hê!
