Laaste kans vir matriek by kollege
2009-01-22
VANJAAR is die laaste jaar vir leerders om hul Nasionale Senior Sertifikaat by ’n kollege te voltooi en só hul matrieksertifikaat verwerf. Die Onderwysdepartement gaan die Nasionale Senior Sertifikaat wat tans nog deur kolleges aangebied word finaal staak. Die vakke wat by Boland Kollege in die eerste semester aangebied word, is Publieke Administrasie N3, Kantoorpraktyk N3 en Rekenaarpraktyk N3 en tweede semester word Sake-Afrikaans N3, Business English N3 en Kleinsake-Bestuur N3 aangebied. Leerders wat op skool vakke in graad 12 geslaag het, het slegs nodig om vier vakke by die kollege te neem wat een taalvak en drie ander vakke insluit. Klasse word in die aande aangebied en registrasie vind plaas op Donderdag 29 Januarie van 14:00 tot 19:00. Die registrasiegeld van R150 plus 50% van klasgelde is betaalbaar met registrasie. Vir navrae, skakel 021-872-3323.
More
News
|
